"ပြဿနာတွေကို အမြစ်ပြတ်အောင် ဖြေရှင်းတတ်တဲ့  အင်ဂျင်နီယာတစ်ယောက် ဖြစ်လာဖို့..." 🔍💡

ဂျပန်နိုင်ငံရဲ့ လုပ်ငန်းခွင်တွေမှာ "ပြဿနာတက်တာထက်၊ ပြဿနာကို ဘယ်လို စနစ်တကျဖြေရှင်းသလဲ" ဆိုတာကို ပိုပြီးအလေးထားကြပါတယ်။ အပေါ်ယံပြင်ရုံနဲ့တင်မပြီးဘဲ နောက်တစ်ကြိမ် ထပ်မဖြစ်အောင် အမြစ်ပြတ်ချေမှုန်းနိုင်မယ့် " ပြဿနာဖြေရှင်းနည်း (၅) သွယ်" ကို လက်တွေ့ဥပမာလေးတွေနဲ့ တကွ ဖော်ပြပေးလိုက်ပါတယ်.....

📌 5 Whys (ဘာကြောင့်လဲ ၅ ကြိမ် မေးခွန်းထုတ်ခြင်း) ❓

ပြဿနာရဲ့ ဇာစ်မြစ်ကို ရောက်အောင် "ဘာကြောင့်လဲ" ဆိုတဲ့ မေးခွန်းကို နက်နက်ရှိုင်းရှိုင်း ၅ ကြိမ် မေးမြန်းခြင်းပါ။

ဥပမာ: စက်ရုံမှာ ဝန်ထမ်းတစ်ယောက် ချော်လဲတယ် ဆိုပါစို့။

၁။ ဘာကြောင့်လဲ? (ကြမ်းပြင်မှာ ဆီတွေ ရှိနေလို့)

၂။ ဘာကြောင့် ဆီရှိနေတာလဲ? (စက်ကနေ ဆီယိုနေလို့)

၃။ ဘာကြောင့် ဆီယိုတာလဲ? (စက်ထဲက Gasket ကွဲနေလို့)

၄။ ဘာကြောင့် ကွဲတာလဲ? (အရည်အသွေးညံ့တဲ့ ပစ္စည်းကို သုံးမိလို့)

၅။ ဘာကြောင့် သုံးမိတာလဲ? (ပစ္စည်းဝယ်ယူတဲ့ဌာနမှာ စံသတ်မှတ်ချက် (Standard) မရှိလို့) 

ကြမ်းပြင်ကို ဆီလိုက်သုတ်နေရုံနဲ့ မပြီးပါဘူး။ ဝယ်ယူရေးမူဝါဒကို ပြင်မှသာ ဒီပြဿနာ အမြစ်ပြတ်မှာပါ။

📌Fishbone Diagram (ငါးရိုးပုံစံ ဆန်းစစ်ခြင်း) 🐟

အကြောင်းရင်းတွေကို Man, Machine, Material, Method ဆိုပြီး ကဏ္ဍအလိုက် ခွဲခြားပြီး အားနည်းချက်ကို ရှာတာပါ။

ဥပမာ: ထုတ်ကုန်တစ်ခုမှာ Error တွေ များနေလျှင် - ဝန်ထမ်းတွေ ပင်ပန်းနေတာလား (Man)၊ စက်က အပူလွန်ကဲနေတာလား (Machine)၊ ဒါမှမဟုတ် အလုပ်လုပ်တဲ့ နည်းလမ်း (Method) က ရှုပ်ထွေးနေတာလား ဆိုတာကို ငါးရိုးပုံစံနဲ့ ချရေးလိုက်တဲ့အခါ ဘယ်နေရာမှာ အားနည်းနေလဲဆိုတာ ကွင်းကွင်းကွက်ကွက် မြင်ရစေပါတယ်။

📌 ၈၀/၂၀ စည်းမျဉ်း (Pareto Rule) 📊

"ပြဿနာအများစု (၈၀%) ဟာ အဓိက အကြောင်းရင်း (၂၀%) ကြောင့်သာ ဖြစ်တာပါ"

ဥပမာ: Customer Complaint ပေါင်း ၁၀၀ တက်နေလျှင် အချက်အလက်တွေကို စစ်ဆေးတဲ့အခါ ၈၀ သော Complaint တွေက "ပစ္စည်းပို့ဆောင်မှု နောက်ကျခြင်း" တစ်ခုတည်းကြောင့် ဖြစ်နေတတ်ပါတယ်။ 👉 အဖြေ: အသေးအဖွဲတွေကို လိုက်မပြင်ပါနဲ့။ "ပို့ဆောင်ရေး" ကိုပဲ အရင်ပြင်လိုက်ရင် ပြဿနာ ၈၀% ချက်ချင်း ပြေလည်သွားပါလိမ့်မယ်။

📌FMEA (အမှားကို ကြိုတင်ခန့်မှန်းခြင်း) 🛡

"ပြဿနာမဖြစ်ခင် ကြိုတင်ခန့်မှန်းပြီး ကာကွယ်ခြင်း"

ဥပမာ: ဓာတ်လှေကားအသစ်တစ်ခု ဆောက်လုပ်တဲ့အခါ "မီးပျက်သွားရင် လူတွေ ပိတ်မိမလား?" လို့ ကြိုတွေးပြီး (Battery Backup) ထည့်ထားခြင်း၊ "ကြိုးပြတ်သွားရင် ပြုတ်ကျမလား?" လို့ ကြိုတွေးပြီး (Safety Brake) စနစ် ထည့်ထားခြင်းမျိုး ဖြစ်ပါတယ်။ ပြဿနာတက်မှ ပြင်တာထက်၊ မတက်ခင် ကြိုတင်ပိတ်ဆို့တဲ့ အဆင့်မြင့်အတွေးအခေါ်ပါ။

📌 Trend Analysis (လမ်းကြောင်း ဆန်းစစ်ခြင်း) 📈

အချက်အလက် (Data) တွေကိုကြည့်ပြီး အနာဂတ်lကို ခန့်မှန်းခြင်း။

ဥပမာ: လွန်ခဲ့တဲ့ ၃ လက Data တွေကို ကြည့်တဲ့အခါ စက်တစ်ခုဟာ "မိုးရွာတဲ့နေ့" တိုင်းမှာ အလုပ်လုပ်ပုံ နှေးသွားတာကို တွေ့ရပါတယ်။ ဒါကို ကြည့်ခြင်းဖြင့် "အစိုဓာတ်" က စက်ကို ထိခိုက်နေတယ်ဆိုတာ သိရှိပြီး အစိုဓာတ်ထိန်းစနစ် တပ်ဆင်ခြင်းဖြင့် ကြိုတင်ဖြေရှင်းနိုင်ပါတယ်။

IT, Engineer ပိုင်းအလုပ်အကိုင်အခွင့်အလမ်းများအတွက် စိတ်ပါဝင်စားသူများအနေဖြင့် အောက်ပါ Google Formမှတဆင့် စာရင်းပေးသွင်းနိုင်ပါတယ်ခင်ဗျာ...

https://docs.google.com/forms/d/e/1FAIpQLSeqgWXq_CvrvpEdnY7F3PfvoMaigoaXtgp0kb9vQDnn9wqjyw/viewform?usp=header

※မည်သည့်နိုင်ငံမှမဆို ဖြည့်သွင်းလျှောက်ထားနိုင်ပါတယ်။

※Work Visaအတွက်မည်သည့်ဝန်ဆောင်ခမှပေးဆောင်စရာမလိုပါဘူးခင်ဗျာ...🙅‍♂️

※လျှောက်ထားသူများအနေဖြင့် Google Form အား သေချာစွာဖြည့်သွင်းထားရန်လိုအပ်ပါတယ်။

🍀"We are looking forward To MEET You"🍀

🟦WILLTEC MYANMAR Co.,Ltd.

🏢 ရုံးခန်းလိပ်စာ: အမှတ်(၁၆၉)၊ အခန်းနံပါတ် ၆(ဘီ)၊ MTP ကွန်ဒို၊ အင်းစိန်လမ်းမကြီး၊ သံလမ်းမှတ်တိုင်အနီး၊ (၉) ရပ်ကွက်၊ လှို င်မြိုနယ်၊ ရန်ကုန်မြို။

☎️ဖုန်း - 09-443881177/ 09-443881100