ဂျပန်အင်တာဗျူးမှာ "自己紹介" နဲ့ "自己PR" ဘာကွာလဲ?
ဂျပန်အင်တာဗျူးမှာ "自己紹介" နဲ့ "自己PR" ဘာကွာလဲ?
အင်တာဗျူးခန်းထဲရောက်လို့ "မိမိကိုယ်ကိုယ် မိတ်ဆက်ပေးပါ" လို့ ပြောလိုက်တဲ့အခါ လူငယ်တော်တော်များများဟာ ကိုယ့်ရဲ့ အရည်အချင်းတွေကို တန်းပြီးပြောတတ်ကြပါတယ်။ ဒါဟာ အမှားတစ်ခု ဖြစ်သွားနိုင်ပါတယ်။ ဂျပန်အင်တာဗျူးမှာ 自己紹介 နဲ့ Jiko PR ဆိုတာ မတူပါဘူး။
ဘယ်လိုကွာခြားလဲ?
⭕️ Jikoshoukai (自己紹介) 🤝
ဒါဟာ အင်တာဗျူးရဲ့ "အဖွင့်" ဖြစ်ပါတယ်။ ကိုယ်က ဘယ်သူလဲဆိုတာကို အကျဉ်းချုပ် သိအောင်ပြောပြရတာပါ။
ဘာတွေပြောရမလဲ: နာမည်၊ အသက်၊ ဘွဲ့ရထားတဲ့ကျောင်း/မေဂျာ၊ လက်ရှိအလုပ်အကိုင် (သို့မဟုတ်) ဂျပန်စာ Level။
အချိန်: (၃၀) စက္ကန့် ကနေ (၁) မိနစ်ထက် မပိုစေရပါဘူး။
📌ရည်ရွယ်ချက်: ကိုယ့်ရဲ့ အခြေခံအချက်အလက်တွေကို အကျဉ်းချုပ် သိရှိစေဖို့ ဖြစ်ပါတယ်။
⭕️Jiko PR (自己PR - Self-Promotion) 📢
ဒါကတော့ ကိုယ့်ကိုယ်ကိုယ် "အရောင်းချဆုံး" အပိုင်းဖြစ်ပါတယ်။
ဘာတွေပြောရမလဲ: ကိုယ့်မှာရှိတဲ့ အားသာချက်၊ ကျွမ်းကျင်မှု (Technical Skills) နဲ့ အတွေ့အကြုံတွေဟာ ကုမ္ပဏီအတွက် ဘယ်လိုအကျိုးပြုမလဲဆိုတာကို သက်သေပြရမှာပါ။
အချိန်: (၁) မိနစ် ကနေ (၂) မိနစ်အထိ အကျယ်တဝင့် ပြောနိုင်ပါတယ်။
📌ရည်ရွယ်ချက်: "ဘာကြောင့် ကျွန်တော့်ကို ခန့်သင့်တာလဲ" ဆိုတဲ့ အဖြေကို ပေးဖို့ ဖြစ်ပါတယ်။
💡 အောင်မြင်တဲ့ အင်တာဗျူးတစ်ခုဖြစ်ဖို့ ရောမွှေမပစ်ပါနဲ့။မိတ်ဆက်ခိုင်းတဲ့အချိန်မှာ ကိုယ်တော်ကြောင်းတွေ အရှည်ကြီးပြောတာမျိုးကို ရှောင်ပါ။ အစပိုင်းမှာ Jikoshoukai ကို လိုတိုရှင်းပြောပြီး၊ အမေးအဖြေတွေကြားထဲမှာမှ Jiko PR ကို အားရပါးရ ပြောပြရမှာပါ။
💡အဆုံးသတ်မှာ နှုတ်ဆက်ပါ: စကားပြောပြီးတိုင်းမှာ "Yoroshiku Onegaishimasu" လို့ ပြောပြီး ဦးညွှတ်နှုတ်ဆက်ဖို့ မမေ့ပါနဲ့။
💡 Eye Contact: စကားပြောနေစဉ်မှာ အင်တာဗျူးသူရဲ့ မျက်လုံးကို ယုံကြည်မှုရှိရှိ ကြည့်ပြီး ပြုံးပြုံးရွှင်ရွှင် ဖြေဆိုပါ။
🍀 "We are looking forward To MEET You"
WILLTEC MYANMAR Co.,Ltd.
#WILLTECMYANMAR #WTM #Jikoshoukai #JikoPR #InterviewTips #JapanCareer #LifeInJapan #KnowledgeSharing #MyanmarToJapan
Tags:
Japan Work Culture